Прикажувам 10–18 од 45 резултати

• 

  Constellation Cabernet Sauvignon

  Суво црвено вино добиено од сортата Каберне Совињон. Се одликува со длабока рубин црвена боја со темно црвени нијанси. Изразени ароми на ситнозрнесто црвено овошје и црвена пиперка надополнети со зачински ноти на црн бибер. На вкус изобилува во црвено овошје и печени црвени пиперки надополнет со зачински ноти на мелен сладок корен кои му даваат дополнителна комплексност. Многу богато и екстрактивно вино со полно тело, меки и сомотести танини поткрепени со добри киселини.
  Се комбинира со специјалитети од црвено месо и селектирани полномасни сирења.
  Препорачана температура на служење: 16-18 °С

  Прочитај повеќе
• 

  Constellation Merlot

  Суво црвено вино добиено од сортата Mерло. Се одликува со интензивна црвена рубин боја. Експлозија на црвено овошје на нос – ароми на млади црвени цреши и црвени сливи надополнети со тонови на нане, лешници и ванила кои му даваат дополнитена комплексност. На вкус се откриваат вкусови на црвено овошје како дренки и поттонови на лисје, темно чоколадо и послевкус на зрна од кафе. Вино со полно тело и меки, сомотести и добро интегрирани танини и хармонична киселина.
  Се комбинира со специјалитети од црвено месо, паста со црвен сос и селектирани полномасни сирења.
  Препорачана температура на служење: 16-18 °С

  Прочитај повеќе
• 

  Constellation Vranec

  Суво црвено вино добиено до сортата Вранец. Се одликува со длабока рубин црвена боја со виолетови нијанси. Атрактивно и комплексно на нос, открива раскошни ароми на црвено и црнозрнесто овошје – цреши, боровинки и темни сливи надополнети со поттонови на сушени листови на тутун и кедрово дрво. Елегантно вино со полно тело и интензивни вкусови на црвени цреши и зачински ноти на црвен пипер, мока и долготраен послевкус. Овој Вранец е со одлична структура, сомотести танини и хармонична киселина кои ќе придонесат виното да има потенцијал за зреење во годините кои доаѓаат.
  Се комбинира со специјалитети од црвено месо, телешко филе и дивеч.
  Препорачана температура на служење: 16-18 °С

  Прочитај повеќе
• 

  Constellation Cuvee Red

  Суво црвено вино добиено како бленд на Вранец, Кабарне Совињон и Мерло. Се одликува со длабока рубин боја.  Атрактивно и комплексно вино кое открива раскошни ароми на ситнозрнесто овошје како боровинки, црна рибизла и вишна надополнети со зачински ноти на црн бибер, мелено кафе и поттонови на ловоров лист, морско оревче и ванила.  Вино со одлична структура, моќен полн вкус, елегантни танинии и извонредно долг послевкус. Одличен баланс на танинска структура и  хармонична киселина кои ќе придонесат виното да има потенцијал за зреење во годините кои доаѓаат.
  Се комбинира со специјалитети од црвено месо, телешко филе и дивеч.
  Препорачана температура на служење: 16-18 °С

  Прочитај повеќе
• 

  Majestic Temjanika

  Полусуво ароматно бело вино добиено од сортата Темјаника. Се одликува со кристална лимон –жолта боја. Носот открива раскошни мириси на бозел, саќе, бела праска и бело цвеќе каде доминираат кринови. Вкусот е богат и изобилува во коскесто овошје и мед, и послевкус на сочна кандирана кора од лимон и зачински завршеток на бел бибер. Свежо вино со полно тело и хармонична и пријатна киселина.
  Се комбинира со лесни предјадења, салати, а може да се ужива и без храна.
  Препорачана температура на служење: 8-12 °С

  Прочитај повеќе
• 

  Majestic Chardonnay

  Суво бело вино добиено од сортата Шардоне. Се одликува со златно-жолта боја. На нос се откриваат ароми на зрела дуња, јаболка и ананас кои преминуваат во цветни ноти и нежна арома на ванила. Вино кое е со полно тело и  долготраен сладникав послевкус.
  Се комбинира со специјалитети од бело месо, морски плодови на скара, паста со бели сосови и селектирани кашкавали.
  Препорачана температура на служење: 8-12 °С

  Прочитај повеќе
• 

  Majestic Traminec

  Полусуво бело вино произведено до сортата Траминец. Се карактеризира со жолтa боја со зелени нијанси. На нос изобилува со арома на цитрусно и коскесто овошје надополнето со цветни ноти. Вкусот е богат со изобилство на цитрусни овошјa, бела праска и мускатен финиш. Свежо вино со полно тело и пријатна киселина.
  Се комбинира со специјалитети од бело месо, морски плодови на скара, паста со бели сосови и селектирани кашкавали.
  Препорачана температура на служење: 8-12 °С

  Прочитај повеќе
• 

  Majestic Pinot Noir

  Суво розе вино добиено од сортата Пино Ноар. Се одликува со лосос боја и ароми на ситнозрнесто црвено овошје каде доминираат малина и дива шумска јагода. На вкус изобилува во ароми на крцкаво ситнозрнесто овошје како рибизла и млади вишни, сето ова поткрепено со пријатна киселина.
  Се комбинира со црвена пастрмка, морски плодови на скара, салати со чери домати и паста со црвени сосови.
  Препорачана температура на служење: 12-14 °С

  Прочитај повеќе
• 

  Majestic Vranec

  Суво црвено вино добиено од сортата Вранец. Се одликува со интензивна рубин црвена боја со виолетови нијанси. На нос се откриваат ароми на темно зрнесто овошје како дива капина, сина слива и тонови на тутун. Вкусот е со богат екстракт и изобилува во ароми на темно ситнозрнесто шумско овошје и какао, проследен со долготраен послевкус на темно чоколадо и каранфилче. Елегантно вино со полно тело, висок екстракт и меки  танини.
  Се комбинира со специјалитети од црвено месо, печен дивеч и полномасни сирења.
  Препорачана температура на служење: 16-18 °С

  Прочитај повеќе